Баянхонгор аймаг зургаан жилийн өмнө төвийн эрчим хүчний  нэгдсэн сүлжээнд холбогдсон.  Өнөөдрийн байдлаар сэргээгдэх эрчим хүчний эх үүсвэр бүхий гурван сумаас бусад нь төвийн эрчим хүчинд холбогдоод байгаа юм. Эрчим хүчний хэрэглээ байнга  өсөн нэмэгдэж байгаагаас  таван жилийн өмнө суурилуулсан 110.35.6 квт-ын дэд станц ачааллаа дийлэхгүйд хүрээд байв.
Тиймээс ч Баянхонгор цахилгаан дамжуулах дэд станцыг өргөтгөхөөр УИХ-ын гишүүн Г.Занданшатар болон  аймгийн удирдлагууд  холбогдох байгууллагуудад танилцуулж, шийдвэрлүүлэхээр уламжилсаны  дүнд хөрөнгийн эх үүсвэр шийдэгджээ. Нөөц дэд станцын өргөтгөлийн нээлтийн ёслолд Баянхонгор аймгийн ИТХ-ын дарга Г.Батжаргал, Засаг дарга Д.Амарсанаа болон холбогдох албаныхан оролцлоо.

Нөөц дэд станц байгуулах ажлын тендерт Улаанбаатар хотын “Ойгон нуур энерги” компани шалгарч гүйцэтгэгчээр ажиллажээ.