Өнгөрсөн намраас эхлэн Германы Бундеслигийн барилдаанд зодоглохдоо тэрбээр Азийн тэр тусмаа Монгол Улсын чөлөөт бөхийн хөгжлийг Европын тавцанд батлан харуулж, улмаар багаа плей-оффын шатанд шалгарахад чухал үүрэг гүйцэтгэсэн билээ. Гавьяат тамирчин Б.Наранбаатар мөн саяхан ОХУ-ын Ханты-Мансийскт болсон Владимир Семеновын нэрэмжит бөхийн чөлөөт барилдааны олон улсын тэмцээнд зодоглож, 55 кг-ын жинд аваргын алтан медаль хүртсэн юм.