Москвагийн их театрын их засвар 2005 онд эхэлсэн бөгөөд төлөвлөсөн зардал нь 16 дахин өсөн, 700 сая ам.доллар даваад байна. Театрын барилгын бараг 70 хувь нь ашиглахын аргагүй хуучирч муудсан байсныг сэргээн, шинээр өргөтгөл нэмж барихаар эхэлсэн ажил 2008 онд дуусах төлөвлөгөөтэй байсан юм. Харин одоо хойд хөршийн Соёлын сайдын мэдэгдсэнээр ирэх аравдугаар сард сонгодог урлагийн шүтэн бишрэгчид шинээр “мэндэлсэн” театртаа орж үзвэр үзэх боломжтой болох гэнэ. Театрын гоёл чимэглэлд таван кг орчим цэвэр алт ашиглажээ.