Эхний сетэд Федерер өөрийн давуулалтаа алдах дөхсөн ч хоёр брейк пойнт хамгаалж, улмаар давуулалтаа оноо болгосон төдийгүй өрсөлдөгчийнхөө давуулалтуудыг авч 5:0-ээр тэргүүлж эхэлсэн бйана. Шоконд орсон франц теннисчин тоглолтоо эргүүлж авахыг хичээсэн ч ганцхан гэймд л ялалт байгуулж, эхний сетийг 6:1-ийн харьцаатай Рожер Федерер хожжээ. Дараагийн сетэд Цонга хөгжөөн дэмжигчдийн дэмжлэгтэйгээр санаачилгыг авахыг оролдсон. Улмаар дөрөв дэх гэймд брейк хийж, 5:3-ын харьцаатай тэргүүлж эхэлсэн байна. Дахиад ганц гэйм авахад нэмэлт сет гаргаж болохоор байдалд Цонга хүрсэн ч Федерер хоёр гэйм дараалан авч тай брект ялагч тодрохоор болжээ. Тай брекийн эхний 7 тоглолтын 6-д нь Швейцарь тэннисчин оноо авснаар тоглолтын хувь заяаг шийдэж 7:3-аар тай брект ялалт байгуулсан байна. Ийнхүү 30 настай Швейцарь теннисчин карьерынхаа 69 дэх АТР-ийн цомыг авч шинэ амжилт бичлээ.
Мөн Федерер АТР-ийн мастеруудын есөн цувралд бүгдэд нь түрүүлсэн анхны теннисчин болсон байна. Дээрээс нь нийт 18 удаа АТР мастерсын цом авч, рекорд эзэмшигч Рафаэл Надальтай нэг цомын зөрүүтэй болжээ. Сүүлийн 12 тоглолтдоо ялагдаагүй Федерер энэ сарын сүүлээр Лондонд эхлэх АТР-ийн шигшээ тэмцээнд аваргын цомоо хамгаалахаар оролцоно.
Score Studio