Булган аймгийн Тээвэр, авто замын газраас МХГ, цагдаа, татвар, стандарт хэмжил зүйн хэлтэс, Булган сумын ЗДТГ зэрэг байгууллагатай хамтран хийсэн үзлэг шалгалт хийлээ. Уг шалгалтын явцад захиргааны 80 зөрчил илрүүлэн 1.3 сая гаруй төгрөгийн торгууль, шийтгэврийн арга хэмжээ авчээ. Үүнд, гэрчилгээнд заасан хугацаанд тээврийн хэрэгслээ техникийн хяналтад хамруулаагүй, техни­кийн ерөнхий байдал, иж бүрдлийг хангаагүй, бүрэн бус тээврийн хэрэгслийн 210 зөрчлийг арилгуулсан байна. Мөн хяналт шалгалтад хамруулсан тээвэрлэгч, жолооч нар замын нөхцөл байдалд хурдаа тохируулдаггүй, шөнийн цагт гэрлээ шилжүүлдэггүй зэрэг зөрчил гаргаж байсанд анхааруулга, санамж өгч аюулгүй байдлыг хангасны үндсэн дээр замын хөдөлгөөнд оролцох талаар хууль тогтоомжийн дагуу мэргэжил, арга зүйгээр зөвлөгөө өгчээ.

Дээрх байгууллагуудтай хамтран ажиллах гэрээ төлөвлөгөөний дагуу удирдамж чиглэл гарган ийнхүү хийсэн 11 удаагийн хяналт шалгалтад 1.7 шахам тээврийн хэрэгсэл 7.6 мянга гаруй зорчигчийг хамруулан шалгалтын явцад 290 зөрчил дутагдал илрүүлжээ.