Сонирхогчдын футзалын “Делта лиг” тэмцээн энэ сарын 26-наас арванхоёрдугаар сарын 18-нд болох гэж байна. Футзалын дүрмийн дагуу зохиогдох тус тэмцээнд 18-аас дээш насны, Үндэсний лигт сүүлийн гурван жил тоглоогүй тамирчид оролцох боломжтой ба нэг баг 12 тоглогч, нэг дасгалжуулагчтай байх журамтай. Тэмцээний техникийн зөвлөгөөн энэ сарын 23-нд 14.00 цагт “Evergreen” зочид буудалд болно. Тэмцээнд оролцох багийн тоо хязгааргүй учир багууд мэдүүлгээ энэ сарын 23-ны дотор цахим форматаар, эсвэл техникийн зөвлөгөөний үеэр өгч болох юм байна. Багуудын тэмцээнд оролцох хураамж 500 мянган төгрөг.
Түрүүлсэн баг “Дельта лиг”-ийн аваргын цомоос гадна хоёр сая төгрөгийн мөнгөн шагнал хүртэх бол мөнгө, хүрэл медалийг нэг сая таван зуун мянга болон нэг сая төгрөг дагалдах ажээ.
С.Цэлмэг