Яргай загас хэмээх марзан нэртэй реппэр шинээр мэндэлжээ. Тэрбээр “Нарны аймгийн засаг дарга”, “Зарагдсан барааг буцаахгүй” гэсэн өвөрмөц содон нэртэй хоёр цомгоо гаргаж амжсан байна.

Гуриланд дүрсэн мэт нүүр будагтай нэгэн залуу харь гаригийн хөлөг дотроос “Удаан амьдармаар” хэмээн дуулахыг зурагтаар харсан санагдана. Яргай загасын онцлог гэвэл хэний ч хөндөөгүй санааг тусгасан төдийгүй нийгэмд ээлтэй сэдвүүдээр уран бүтээлээ хийдэг ажээ. Ямартай ч ойрын арван таван жил үглэж дуулна хэмээн өөрийгөө тунхаглаж яваа энэ залуугийн жинхэнэ нэрийг Н.Золбоо гэдэг. Харин хэр уран бүтээлч болохыг цаг хугацаа харуулах бизээ. Цомгуудын нэр нь л гэхэд баргийн хүний анхаарал татахаар болсноос үзвэл их менежмэнт сайтай бололтой.