Хүндийг өргөлтийн дэлхийн аварга шалгаруулах эрэгтэйчүүдийн 79 дэх, эмэгтэйчүүдийн 22 дахь удаагийн дэлхийн аварга шалгаруулах тэмцээн Францын нийслэл Парис хотноо эхэллээ. Тус хотын “Диснейланд Парис” цогцолборт энэ сарын 5-13-нд үргэлжлэх ДАШТ нийт 15 (эрэгтэй найм, эмэгтэй долоо) жингийн ангилалд аваргуудыг тодруулах юм.

Тэмцээний эхний хоёр өдөр эрэгтэйчүүдийн 56, 62 кг, эмэгтэйчүүдийн 48, 53 кг-ын жинд аваргууд тодорсон. Харин өнөөдөр эрэгтэйчүүдийн 69, эмэгтэйчүүдийн 52, 63 кг-ын тамирчид өрсөлдөх бөгөөд Монголын тамирчдаас эмэгтэйчүүдийн 58 кг-д ОУХМ Г.Отгонтуяа дэлхийн аваргад хүч үзнэ. Харин маргааш эмэгтэйчүүдийн 63 кг-д ОУХМ Н.Баярмаа өрсөлдөх юм.