Microsoft компани Xbox 360 консолд зориулсан “Kinect” хөдөлгөөн мэдрэгчийг 10 сая ширхэг борлогдож, Гиннесийн номонд бүртгүүлэх хэмжээний амжилтанд хүрсэн тухай зарлалаа.

Kinect хөдөлгөөнт видео тоглоомын нэмэлт хэрэгсэл нь өнгөрсөн оны арваннэгдүгээр сарын 4-ний өдрөөс эхлэн энэ оны нэгдүгээр сарын 3-ны өдөр хүртэл 60 өдрийн турш өдөр бүр 133,333 ширхэг худалдаалагдаж, хамгийн шилдэг борлуулалттай электрон төхөөрөмжөөр шалгарсан байна. Харин Nintendo-ийн Wii бүтэн хоёр жилийн хугацаанд 10 сая ширхэг борлуулагдсан ажээ. Тиймээс Microsoft-ийн амжилтыг Nintendo-той харьцуулшгүй юм.  
Xbox 360 консол нь өнгөрсөн шинэ жилийн үеэр айл бүрт байх ёстой хэрэгсэл гэсэн нэрийг хүртэл авч байсан юм. Харин гуравдугаар сарын 9-ний өдрөөс эхлэн Kinect хөдөлгөөн мэдрэгчийн үнэ хямдарч, ердөө 100 фунт стерлинг болсон байна.