“Нэг цонхны үйлчилгээ”-ний төвүүдийн үйл ажиллагааны өнөөгийн байдал, ололт амжилт, алдаа дутагдал, цаашдын зорилтыг хэлэлцэж туршлага солилцох үндэсний зөвлөлгөөнийг ирэх даваа гаригт Төрийн ордонд зохион байгуулах болжээ. Энэ үеэр 21 аймаг, нийслэлийн есөн дүүрэг, хоёр сум, хоёр хороонд байгуулагдсан Нэг цонхны үйлчилгээний үйл ажиллагааны талаар мэдээлэл солилцох аж. Тус зөвлөлгөөнд Монгол Улсын Ерөнхий сайд С.Батболд оролцох юм байна.
Харин зөвлөлгөөнөөс Нэг цонхны үйлчилгээний үйл ажиллагааг улам сайжруулахтай холбоотой зөвлөмж гарч, мөн энэ сэдвээр илтгэлийн уралдаан ч болох аж.
Г.Дарь