Өнөөдөр 15.00 цаг өнгөрөөж хурлаа эхэлсэн УИХ дахь МАН-ын бүлгийнхэн оройжин хуралдахаар болжээ. Уг нь тэд Сонгуулийн тойрог хэрхэн хуваарилах талаар УИХ дахь АН-ын бүлгийн хуралдаанаас гарах шийдвэрийг хүлээж байсан. Гэвч АН-ын бүлгийнхэн томсгосон 26 тойргоор сонгууль явуулна гэсэн байр сууриа хадгалсан тул жижиг 48 тойргоор сонгууль явуулах саналтай МАН-ын бүлгийнхэн дахин ярилцах шаардлагатай болсон байна. Мөн ирэх оны нэгдсэн төсвийн төслийг ярилцах учиртай. Ингээд нэлээд сунжирч хуралдахаар болсон тул сэтгүүлчдэд мэдээллийг маргааш өгнө гэдгээ хэвлэлийн албаараа дамжуулан мэдэгдлээ.