Өчигдөр Ардчилсан намын Үндэсний зөвлөлдөх хорооны хуралдаан болж өнгөрсөн билээ. Уг хуралдааны гол зорилго нь энэ жилд ҮЗХ-гийн ротацийн сонгууль хийхийг болиулах тухай байв. Ардчилсан намын дүрмээр дөрвөн жилд гурван удаа тус ротацийн сонгуулийг хийдэг бөгөөд ҮЗХ-ний гишүүдэд эргэлт, шинэчлэлт хийх зорилготой заалт аж.

Харин тус хуралдаанаар энэ жилд ротаци хийх асуудлыг олонхийн саналаар ийнхүү түдгэлзүүлснээр халагдаж, солигдох нь тодорхой байсан идэвхигүй хэсэг гишүүдийг нэг хэсэгтээ айх аюулгүй болголоо.

Хуралдаан өндөрлөхөд ихэнхи гишүүд сэтгэл хангалуун гарцгаасан бөгөөд бие биенээрээ даажигнан “Хүүе, мөнхийн ҮЗХ-гийн гишүүн болсонд чинь баяр хүргэе” хэмээн нудралцаж байв.