Монголын үндэсний “Боловсрол суваг” телевиз “Та тавдугаар ангийн хүүхдээс ухаантай юу?” шоу нэвтрүүлгийг  үзэгч та бүхэнд хүргэхэд бэлэн болжээ. Шоу нэвтрүүлгийн хамгийн анхны дугаарын зочноор Олон улсын тоймч, сэтгүүлч Б.Дашзэвэг оролцож,  5-р ангийн хүүхдээс хэр ухаантайгаа сорьсон юм. Оюун ухаанаараа тэргүүлэгч олон улсын сэтгүүлч хэдэн асуултад хариулж, ямар хичээл дээр “унах”-ыг үзэгч та сонирхоорой.

Монголын хамгийн өндөр сагсан бөмбөгч Ц.Шаравжамц ч мөн шоу нэвтрүүлэгт уригдсан байгаа. Олны танил, авьяаслаг сагсчин Шараваа 5-р ангид байхдаа хэр сурлагатай хүүхэд байсныг мэдэхийг хүсвэл “ ТА 5-Р АНИЙН ХҮҮХДЭЭС УХААНТАЙ ЮУ?” шоу нэвтрүүлэгтэй хамт байхад болно.

Мөн та уг нэвтрүүлгээр дамжуулан өөрийн боловсролдоо бага боловч мэдлэг олж авах болно. Бас өөрийн дэмждэг олны танил хүмүүсийнхээ хүүхэд насандаа хэрхэн сурч байсан сонирхолтой, хөгжилтэй агшинтай хамт байхыг хүсвэл “Боловсрол суваг” телевизээр баасан гаригийн 22:40 минутад гарах шоу нэвтрүүлгийг сонгон үзээрэй. Хэрэв та энэ өдөр үзэж амжаагүй бол давталтыг ням гаригийн 21:40 цагаас хүлээн авч үзэх боломжтой юм.