Нийслэлийн Хан-Уул дүүрэгт орших "Алтай" хотхоны ойролцоо буюу иргэдийн нэрлэж заншсанаар Барсын гүүрийн ойролцоо орших “Эгэл”  барилгын компанийн хашаанд  өчигдөр орой 21.00 цагийн үед гал гарсан  талаар мэдээлсэн. Тус модны үйлдвэрийн орчимд барилга барьж байсан барилгын компанийн  хурааллттай байсан барилгын тулгуур модон хавтангууд шатаж, ихээхэн хэмжээний гал гарахад хүргэсэн байна.

Дуудлагын дагуу гал унтраах 10 дугаар  ангийн 1, 2, 3 тасаг болон 14-р ангийн аврагч, гал сөнөөгчид ажиллаж, дөрвөн цагийн дараа галыг бүрэн унтраажээ. Тус барилгын компанийн хашаанд хураалттай байсан барилгын тулгуур хийдэг модон хавтангуудын 30 хувь нь бүрэн шатсан  бөгөөд бага зэрэг цаг алдсан бол бүх модон хавтан шатаж дуусах аюултай байжээ. Одоогоор галын шалтгаан нөхцлийг тодруулахаар холбогдох байгууллагууд ажиллаж байна. Хэргийг Хан-Уул дүүргийн цагдаагийн хэлтэст шалгаж буй юм.