МХЕГ-аас магадлан итгэмжлэгд­сэн рашаан, сувилалын газарт шал­галт хийсэн байна. Нийт 27 магадлан итгэмжлэгдсэн рашаан, сувилал  байдгаас 22-ыг нь шалгалтанд хам­руулж, 12 зөрчил дутагдал илрүүлжээ. Улсын хэмжээнд 100 гаруй рашаан сувиллын газар байдаг ч тэдгээрээс 27 нь магадлан итгэмжлэгдсэн байдаг аж. Шалгалтад хамрагдсан 22 аж ахуй нэгжээс 10 нь нийслэлд үйл ажиллагаа явуулдаг юм байна. Нийслэлийн  “Оргил” рашаан сувилал,  “Арга билэг”,  “Амарсанаа гүнж”,  “Багануур”, “ЭМЖЖ”,  зэрэг 11  сувилал,  Орхон аймгийн “Эр­дэнэт”,  Архангай аймгийн “Сувд” ,  Баянхонгор аймгийн “Шаргалжуут” рашаан сувилал, Говь-Алтай аймгийн “Шимт элс”,  Дорноговь аймгийн “Халзан-Уул” рашаан сувилал, Хөвсгөл аймгийн Галт “Халуун-Ус” рашаан сувилал, Хэнтий аймгийн “Аварга тосон”, “Чингэсийн гурван нуур” рашаан сувилал,Өвөрхангай аймгийн “Хужирт”,  “Эльма Ху­жирт”,  “Өгөөмөр”,  “Сэмжид” ра­шаан сувилал,Төв аймгийн “Өвөр­жанчивлан”, “Ар Жанчивлан”, “Задгай цагаан” рашаан сувилал, “Тахилт” сэргээн засах эмчилгээний төв,  Завхан аймгийн “Отгонтэнгэр” зэрэг рашаан сувиллууд хамрагдсан байна. Шалгалтаар дараах зөрчлүүд илэрсэн байна.

Шаргалжуут, Хужирт, Элма хужирт рашаан сувиллын эмнэлэгүүд нь эмнэлэгийн барилгын механик агааржуулалт төхөөрөмж нь ажил­лахгүй байсан нь рашаан сувиллын үйл ажиллагаа явуулах нь иргэдийн эрүүл мэндэд сөрөг нөлөөтэйгээс гадна, стандартын шаардлага хангаа­гүй байжээ.  Агааржуулалтгүй эмнэл­гийн өрөөнд  шавар, рашаан, усан  эмчилгээний  өрөөнүүд бүгчим халуун, чийгшил их  байгаа­тай холбоотой хана, таазанд хөгц мөөгөнцөр үүссэн байна.  Шаргалжуут рашаан сувиллын эмнэлгийн байрны зүү эмчилгээ, тарианы өрөөнөөс авсан агаарын шинжилгээгээр Fusarium sporotricheila, penicillium-төрлийн хөгц мөөгөнцөр илэрчээ. Түүнчлэн Шаргалжуут, Хужирт рашаан сувил­лын гал тогооны шугамын ус, Сэмжит рашаан сувиллын зөөврийн уснаас авсан шинжилгээгээр нян­гийн тоо  зөвшөөрөгдөх дээд хэм­жээнээс их байсан гэв. Түүнчлэн  Шаргалжуут рашаан сувиллын гал тогооны шугамын усанд гэдэсний бүлгийн нян илэрсэн байна.  Мөн Оргил рашаан сувиллын эмчил­гээний өрөөнүүд болон хоолны газ­раас арчдасны шинжилгээ авахад  гэдэсний бүлгийн эмгэг тараагч илэрсэн нь ноцтой зөрчил басныг улсын байцаагчид онцолж байлаа. Шалгалтад хамрагдсан рашаан сувиллын газруудад илэрсэн зөрчлийг үндэслэн есөн рашаан сувиллын үйл ажиллагааг түр хугацаагаар, Сэмжит рашаан сувиллын үйл ажиллагааг бүрмөсөн зогсоосон байна.

Үүнээс есөн рашаан, сувилалыг түр хугацаагаар хааж, Сэмжит рашаан сувилалын газрын үйл ажиллагааг бүрэн зогсоожээ. Рашаан сувиллын газруудад ихэвчлэн эрүүл ахуйн шаардлага хангаагүй, гэдэсний халдвар тээгч гал тогооноос нь илэрсэн, мэргэжлийн бус эмч нар ажиллаж байсан зэрэг дутагдал илэрсэн байна. Мөн Оргил рашаан сувилал Нийгмийн даатгалын байгууллагатай хийсэн эрүүл мэндийн даатгалын гэрээгээр тус рашаанд 2009-2011 оны эхний хагас жилийн байдлаар 471 сая 600 мянган төгрөг олгосон нь зөрчилтэй гэж улсын байцаагчид дүгнэсэн байна. Шалгалтаар есөн рашаан сувиллын үйл ажиллагааг түр хугацаагаар хааж улсын байцаагчийн дүгнэлт хүргүүлж, зөрчил дутагдлаа арилгахыг үүрэг болгож, Сэмжит рашаан сувиллын үйл ажиллагаа бүр хаасан байна.