Ливийг 41 жилийн турш дарангуйлсан хурандаа Муаммар Каддафи 200 тэрбум гаруй ам.долларын хөрөнгөтэй дэлхийн хамгийн баян эр байжээ. Тэрбээр Мексикийн тэрбумтан Карлос Слимээс гурав дахин, Саудын Арабын хаан Абдуллагаас 10 дахь баян байсан гэнэ. Түүний банкин дахь хадгаламжийн данс, үл хөдлөх хөрөнгө болон дэлхий даяарх хөрөнгө оруулалтын хэмжээг тооцож үзвэл 200 тэрбум ам.доллар өлхөн давжээ. “Хаадын хаан” Каддафи Хар тивийн орнуудаас “хар алт”-ны нөөцөөрөө толгой цохих Ливи улсыг өнгөрсөн 41 жилийн турш удирдахдаа хагартлаа баяжсан гэх. Саудын хаан Абдулла болон газрын тосны арвин их нөөцтэй бусад орны лидерүүдтэй харьцуулбал, Каддафи улсынхаа сургууль, цэцэрлэг болон дэд бүтцийн хөгжилд хөрөнгө мөнгө зарцуулсан нь тун бага. Харин тэр их арвин хөрөнгөө Африкийн бусад орны лидерүүдээс дэмжлэг авахад зарцуулдаг байж.