Туркийн арми ямар
нэг мэдэгдэл хийлгүйгээр Иракийн хилд цөмрөн орж байлдааны
ажиллагаа явуулж эхэлсэн тухай "Франс пресс" агентлаг мэдээлсэн байна. Энэхүү байлдааны ажиллагааг
Иракийн хойд хэсэгт байдаг Курдын хөдөлмөрийн намын салан тусгаарлагчдын эсрэг явуулж байгаа
байлдааны ажиллагаа хэмээн тайлбарлажээ. Найман цаг орчмын өмнө эхэлсэн энэ байлдааны
ажиллагаанд Туркийн армийн хуягт тээвэрлэгчид болон бусад байлдааны бие бүрэлдэхүүн оролцож, одоо Иракийн нутаг
дэвсгэрийн гүн рүү улам бүр урагшилсаар байгаа гэж эх сурвалжууд мэдээлсээр
байна. Туркийн армийн 20 танк болон бусад техник, 30 ачааны автомашин энэ
дайралтад оролцож байгаа аж. Тэд Иракийн хилээс дотогш 20 гаруй км-т байрлах
салан тусгаарлагчдын бааз руу очих зорилготой гэж мэдээлж байгаа бөгөөд тэр баазад 400-гаас доошгүй салан тусгаарлагч байгаа бололтой. Байлдааны
ажиллагаа нь Туркийн хилийн харуулууд руу довтолж, 20 гаруй турк цэргийн албан
хаагчийн аминд хүрээд байгаа курдын салан
тусгаарлагчдад өгч байгаа хариу бөгөөд Иракийн энэ нутагт
байлдааны үйл ажиллагаа явуулахыг зөвшөөрсөн Туркийн эрх
баригчдын өмнө нь баталж, одоо хугацааг
нь сунгаад байгаа тус улсын хуулийн дагуу хийж байгаа үйлдэл гэсэн тайлбар гарчээ.

М.Наст