ОХУ-ын Ерөнхий сайд В.Путиныг Төрийн тэргүүнд гурав дахь удаагаа өрсөлдүүлэх гэж буйтай холбоотойгоор
хойд хөршид жагсаал цуглаан
өрнөж байна. Оросын үндсэрхэг үзэлтнүүд ирэх арваннэгдүгээр сарын 4-нд “Оросын марш” нэртэй цуглаан хийхээр бэлтгэж байна. Тэд
“Оросууд” хөдөлгөөний лидер Д.Демушкиний хөдөлгөөний эсрэг жагсах бололтой. Саяхан үндэсний үзэн ядах үзэл, дайсагналыг өдөөсөн хэргээр түүнд оноосон эрүүгийн хэргийг сэргээжээ.
Ажиглагчид Оросын засаг захиргааныхан “Оросын марш”-ийг ашиглан улс оронд тогтвортой байдлыг хадгалахын тулд
В.Путиныг Ерөннхийлөгчөөр сонгох нь зүйтэй гэсэн уур амьсгалыг
нийгэмд бүрдүүлэх гэж байна хэмээн
үзэж байгаа юм байна.
Өнгөрсөн амралтын өдрүүдэд үндсэрхэг үзэлтнүүд Москвад “Кавказыг
тэжээж ханалаа” гэсэн уриан дор цуглажээ. Энэ нь арваннэгдүгээр сарын эхээр хийх
“Оросын марш”-ийн бэлтгэл гэж ажиглагчид үзжээ. В.Путины талынхан залуучуудаар хүрээлүүлж В.Путин төрийг, Д.Медведев Засгийг тэргүүлэх нь зүйтэй гэсэн ойлголтыг
нийгэмд төрүүлэхээр найдаж байгаа гэсэн мэдээллүүд Оросын хэвлэлүүдэд харагдах болжээ. Ингэж
Оросын нийслэл, томоохон
хотуудад В.Путиныг эсэргүүцсэн, дэмжсэн олон хөдөлгөөн үүсээд байгаа ажээ.
Д.ОЮУН