“Victoria’s Secret”-ийн ээлжит “урлагийн бүтээл” болсон 2,5 сая ам.долларын үнэтэй хөхний даруулгыг ирэх сард болох Fantasy Treasure 2011 дотуур хувцасны загварын шоуны үеэр “VS”-ийн сахиусан тэнгэр Миранда Керр амилуулах гэж байна. 2,5 сая ам.доллараар үнэлэгдсэн хөхний даруулга нь тансаг чамин, тэнгисийн ёроолын гоо үзэсгэлэнгийн илэрхийлэл болсон гэнэ.

Fantasy Treasure Bra хөхний даруулгын нарийн чимэглэлийг Лон-Айланд дахь “London Jewellers”-ийн хамт олон урласан бөгөөд 3400 ширхэг эрдэнийн болон үнэт чулуу шигтгэжээ. Мөн 142 каратын шар болон цагаан очир алмазаар ч чимэглэсэн байна.

“Victoria’s Secret”-ийн загварын шоу арваннэгдүгээр сарын 29-нд болно. Жилд нэг удаа шинэлэг содон, тансаг чамингийн туйл болсон дотуур хувцас урладаг “VS”-ийн онцгой загварыг өмнө нь Таяра Бэнкс, Хайди Клум, Каролина Куркова болон Жизель Бюндхен нар “амилуулж” байлаа.