Ираны нийслэл Тегеран хотноо байт харвааны Азийн аварга шалгаруулах тэмцээн үргэлжилж байна. Тэмцээнд Азийн 22 орны 171 тамирчин өрсөлдөж байгаа юм. Монголын баг тамирчдын тухайд эрэгтэй зургаа, эмэгтэй таван тамирчны бүрэлдэхүүнтэй Иранд цэц мэргэнээ сорьж байна.

Ганцаарчилсан төрөлд олимпийн эрх олгох Азийн аварга шалгаруулах тэмцээний багийн харваа өнөөдөр болж байгаа бөгөөд Б.Урантунгалаг, Ч.Оюунсүрэн, Ч.Мөнхцэцэг нарын бүрэлдэхүүнтэй Монголын эмэгтэй харваачид финалд шалгараад байна. Байтын эмэгтэйчүүд эхний тойрогт хийлж, улмаар Иран болон Хятадын багийг ялснаар удахгүй Азийн аваргын төлөө Японы багтай өрсөлдөхөөр болжээ. Харин Ж.Гантөгс, Г.Ган-Эрдэнэ, Ц.Одбаяр нар эрэгтэйчүүдийн багийн харваанд өрсөлдөж, Бангладешийн багийг ялсан ч дараагийн харваанд Малайзын багт ялагдсан байна.