Экс ерөнхий сайд С.Энхсайханы экс гэргий Э.Шүрэнцэцэг хатагтай эр нөхрөө улс төрд нэр нөлөөтэй байх үед ажил хэргийн шаардлагаар олны өмнө их гардаг, идэвхтэй хатагтай нарын нэг байлаа. М.Энхсайхан ноёнтны улс төрийн карьерт үлэмж нэмэр болдог байсан энэ үзэсгэлэнт хатагтай Богдын сүүлчийн удам Эрээнямын ач охи, язгууртан гаралтай гэдгээрээ хүрээнийхэн дундаа ялгардаг байв. Монголын нүд унам сайхан хосуудын нэг тэднийг нас намба тогтох үедээ хоёр тийш болоход эр эм байтугай эрүү өвдөг салдаг хорвоо гэж үнэн юм даа гэж шүүрс алдагсад олон байсан.