Apple компанихамгийн сүүлийн шинэ бүтээгдэхүүн iPhone 4S-ыг худалдаанд гаргаад ердөө гурав хоногийн дотор 4 сая хувийг худалдсан тухайгаа мэдээлжээ. Худалдаанд гарсан эхний өдрөөс худалдан авагчид дэлгүүрүүдэд урт дараалан үүсгэн дугаарлаж, iPhone 4S-ыг худалдаж авцгаажээ.

Харин шинэ үйлдлийн систем болох iOS5-ыг аль хэдийнэ 25 сая хэрэглэгч хэрэглэж эхэлсэн гэнэ.

Тус компанийн бүтээгдэхүүнүүд худалдаанд гарсан эхний долоо хоногтоо зах зээлд тэсрэлт хийдэг байсан ч энэ удаагийнх шиг гурав хоногийн дотор дөрвөн сая хувь борлуулагдаж байгаагүй юм.

Энэ удаагийн амжилт iPhone 4S-ын шинэ боломжууд хэрэглэгчдэд үнэхээр их таалагдаж байгаагаас гадна тус компанийн үүсгэн байгуулагч Стив Жобсын гэгээн дурсгалд зориулж хүмүүс худалдан авах сонирхолтой байгаа зэрэг нь нөлөөлж байна гэж мэргэжилтнүүд дүгнэжээ.