Ардчилсан намынхан хуучин байраа буулган буурин дээр Ардчиллын ордон барихаар болж өнгөрсөн хавраас газар шорооны ажлаа эхлүүлсэн билээ. Гэвч барилгын ажил нэлээд удааширч байгаа юм. Тэгвэл сая Улсын дуурь бүжгийн эрдмийн театр, Ардчилсан намын хооронд газрын маргаан дэгдсэн байна. Намын хуучин байр нь Соёлын төв өргөө, Дуурь, бүжгийн эрдмийн театрыг холбосон хоолойн зориулалттай байсан. Шинэ байрны газар шорооны ажил хийхэд театрын байрны газраас өртсөн тул тус театрын дарга н.Сэргэлэн нар газрын маргаан үүсгэжээ. Түүнээс болж бариүлгын суурийн ажил гацаад байгаа юм байна.