Залуу уран бүтээлчдийн нэгдэл аравдугаар сарын 15-нд буюу маргааш 15.00 цагт “Max Mall” төвийн тавдугаар давхарт орчин үеийн урлагийн нээлттэй өдөрлөгийг хийх гэж байна. Энэхүү өдөрлөг нь залуу уран бүтээлчдийг дэмжих,мөн үзэгч уран бүтээлчдийг ойртуулж, орчин үеийн урлагийн шинэ төрлүүдээс танилцуулах, сурталчилах, зорилготой юм.

Нээлтийн үйл ажиллагаа.   Зураач Л.Амарсанаа, Ө.Батжаргал, Х.Ууганбаяр, О.Энхтайван нарын хамтарсан “Exhibition-2012” үзэсгэлэн тавигдах бөгөөд залуу уран бүтээлчдийн нэгдлээс зохион байгуулж байгаа энэхүү өдөрлөг цаашид олон хэлбэрээр үзэгчдийн хүртээл болох юм байна.   Энэхүү өдөрлөгт “spainish” болон “Miracle art” клубын уран нугарагчдын үзүүлбэр “Action painting” буюу хоёроос гурван уран бүтээлч болон үзэгчид хамтран зураг зурах үзүүлбэр багтаж байгаа юм. Мөн Performance  art буюу үзүүлбэрийн урлаг, “Caligraphy art” буюу уран бичлэгийн гайхамшиг,  нөхөрсөг шог зураг,  саяхан  Монголын Урчуудын эвлэлийн хорооны үзэсгэлэнгийн  танхимд дэлгэгдсэн “Exhibition-2012”  үзэсгэлэнгийн график, баримал, уран зургийн бүтээлүүд олны хүртээл болох юм байна.