Жил бүрийн аравдугаар
сарын 13-ныг дэлхий нийтээр
“Гамшгаас хамгаалах өдөр” болгон тэмдэглэн өнгөрүүлдэг уламжлалтай. Энэ хүрээнд Нийслэлийн онцгой байдлын газраас өгсөн үүрэг
чиглэлийн дагуу газар хөдлөлт, гал түймрийн гамшгаас хамгаалах дадлага сургуулилтыг Хан-Уул дүүргийн нутаг
дэвсгэрт үйл ажиллагаа явуулж буй ерөнхий боловсролын сургуулиуд дээр Засаг даргын Тамгын газрын Нийгмийн
хэлтэс, Боловсролын хэлтэс, Онцгой байдлын хэлтэс хамтран зохион байгуулжээ. Уг сургууль дадлагад дүүргийн нутаг
дэвсгэрт үйл ажиллагаа явуулж буй ерөнхий боловсролын 17 сургуулийн 797 багш ажилтан, 8812 сурагч
хамрагдсан байна.  Сургалт газар хөдөлсөн үед багш, сурагчид анги танхимдаа өөрийгөө хэрхэн хамгаалах, ой хээрийн болон обьектийн гал түймрээс
урьдчилан сэргийлэх сургалт гэсэн хоёр үе шаттай болжээ.

С.Отгон