Хойд Америкийн эмэгтэйчүүдийн үндэсний сагсан бөмбөгийн холбооны аварга баг тодорлоо. “Миннесота Линкс” баг цувралыг 2-0-ээр тэргүүлсэн амжилттай Атлантагийн талбайд ирсэн. Өмнөх шатандаа “Финикс Меркури” багийг 3-0-ээр “шүүрдсэн” тэд өнөөдөр хожвол багийнхаа түүхэнд анх удаагаа аваргын цомыг төгс амжилтын хамтаар хүртэх байлаа. Өмнө нь нэг ч удаа плей-оффын хоёрдугаар шатанд шалгарч байгаагүй тус баг улирлыг амжилтаараа тэргүүлж плей-оффт өрсөлдөгч бүрээ илүүрхэн хожсоор байгаа юм. Харин Атлантагийн хувьд хожигдвол хоёр жил дараалан шигшээ тоглолтод 3-0-ээр шүүрдүүлсэн азгүй гэмээр амжилтын эзэд болох байсан. Тиймээс ч Энжил Маккоутри тоглолтын хамгийн өдөр оноо болох 22 оноо авсан ч түүн дээр хийж байгаа хамгаалалт хүчтэй байсан болохоор 25 довтолгооныхоо 16-г нь алджээ. Өмнөх тоглолтод 38 оноо авч, шигшээ тоглолтын дээд амжилтыг тогтоосон ч багтаа хожлыг авчирч чадаагүй Маккоутри энэ удаад ч мөн ганцаардсан гэхэд болно. Үндсэн цагт 73:67 харьцаатай “Миннесота” Линкс баг ялалт байгуулж, WNBA-ын аварга багаар анх удаагаа тодорлоо. Цувралын турш шилдэг нь байсан Саймонь Агустус үнэцэнэтэй тоглогчоор шалгарснаар 2011 оны WNBA улирал өндөрлөлөө.