-Анх 2007 онд Засгийн газраас улаан буудайн үйлдвэрлэлтийг дэм­жих
шийдвэрийн хүрээнд хөдөө орон нутагт тариаланчдыг дэмжих зо­рилгоор олон
арга хэмжээ авсан. Үүний нэг нь улаан буудай, гурил нийлүүлсэн иргэд
болон аж, ахуйн нэгжид жил бүр мөнгөн урамшуулал олгохоор болсон явдал
юм. Үүнийг л иргэд нөхөн олговор гэж андуураад байна. Уг нь нөхөн
олговор биш урам­шуулал юм.

-Энэ урамшуулалыг зөвхөн та­риаланчдад олгох ёстой юу?

-Бас ч яг тэгж ойлгож болохгүй. Мэдээж хураасан буудайн хэмжээ­нээс
хамаарч уг урамшуулал адил тэнцүү олгогдоно. Газар тариалан­гийн салбарт
хүчин зүтгэж байгаа бүх иргэд энэхүү урамшуулалд хам­рагдах бүрэн
боломжтой. Тариа тарьсан иргэд, аж ахуйн үйлдвэрлэл эрхэлдэг байгуллага
гэх мэтээр бүгд хамрагдана.

-Ямар журмаар олгох ёстой вэ?

-Тариаланчид тарьсан тарианы­хаа актыг харъяа аймгийнхаа Хүнс, хөдөө аж
ахуйн газарт бүрдүүлж өгөх ёстой. Өөрөөр хэлбэл хураасан тарианы нийт
тонн, эрүүл ахуйн шаардлага хангасан гэх бичиг, тухайн та­риаланчийн
тодорхойлолт, оршин суугаа гэрийн хаягийг баталсан Засаг даргын
тодорхойлолт, мөн улсад төлж байгаа татварын тодорхойлолт бүрдүүлэх
хэрэгтэй.

-Хэзээнээс эхэлж тариаланчдад олгох вэ?

-Хэрэв дээрх дурдсан бичиг ба­рим­тууд бүрдсэн тохиолдолд
арван­нэгдүгээр сарын 1-ний дотор харъяа аймгийнхаа Хүнс, хөдөө аж ахуйн
газарт ирүүлэх ёстой. Ингэснээр арваннэгдүгээр сарын 20-ны дотор Хүнс,
хөдөө аж ахуй, хөнгөн үйлд­вэрийн яамд ирүүлсэн байх жи­шээтэй. Улмаар
арванхоёрдугаар сарын 1-10-ны хооронд Сангийн яам­наас “Тариаланчдыг
дэмжих сан”-ийн тусгай журмын дагуу  та­риа­ланчдад тараагдах юм. Гэхдээ
та­риаланч хүн болгоны тарьсан улаан буудай, гурилын эрүүл ахуйн болон
Мэргэжлийн хяналтын газраас гарга­сан байцаагч нарын дүгнэлтээс
хамаарна.

-Энэ жилийн ургацын дүн хэдийгээр гарах вэ?

-Өнгөрсөн жилд нийт 21 аймгийн хүрээнд 35-36 тэрбум төгрөгийн мөн­гөн
урамшуулал тариаланчдад олго­сон байгаа. Энэ жилийн хувьд та­риалан сайн
байгаа. Ирэх сарын эхээр нэгдсэн тайлан гарах тул одоохондоо дүгнэж
хэлэхэд эрт байна.

-Ургац хураалт хэзээ дуусах вэ?

-Бараг энэ долоо хоногтоо дуус­чихна байх. Ургац хураалт 85 хувьтай байна гэсэн мэдээлэл бидэнд байна.