Нийслэл хотын хэмжээнд энэ сарын 8-нд Автомашингүй өдрийг зохион байгуулах гэж байна. Ирэх бямба гаригт 10-17.00 цагийн хооронд Энхтайвны өргөн чөлөө буюу Зүүн дөрвөн замаас Баруун дөрвөн зам хүртэл, мөн Сөүлийн гудамж, Бага тойруу /Гэсэрийн уулзвараас Сансарын тунель/-гийн замын хөдөлгөөнийг бүрмөсөн хязгаарлах аж. Гэхдээ шаардлагатай бол цагдаа, түргэн тусламж болон галын машин зорчиж болох юм байна.