Есдүгээр сард болсон Дэлхийн аварга шалгаруулах тэмцээнд амжилттай оролцож, эмэгтэйчүүд нь багийн дүнгээр гуравдугаар байрт жагссан Чөлөөт бөхийн үндэсний шигшээ багийн тамирчид Өвөрхангай аймагт сэргэлтийн бэлтгэл хийхээр өчигдөр Улаанбаатараас хөдөлжээ. Чөлөөтийнхөн их аварга Асашёорюүгийн төрсөн нутаг болох Хужирт суманд арав хоноод буцаж ирэх аж. Энэ удаагийн бэлтгэлд эрэгтэй, эмэгтэй шигшээ багийн нийт 10 гаруй тамирчин хамрагджээ.