“Sweetymotion” хамтлагийн продюсер, хөгжмийн зохиолч Б.Чинбат ирэх аравдугаар сард бие даасан тоглолт хийх гэж байгаа. Гурван өдөр үргэлжлэх түүний тоглолтын нэр “Давтагдашгүй”. Чинбаагийн тоглолт яагаад “Давтагдашгүй” вэ? Яагаад тэр “Давтагдашгүй” гэх нэр сонгох болов?

Тэгвэл, Америкт түүнтэй хамтран ажиллаж байсан хөгжмийн зохиолч Жон Стийл “Дэйлихералд” сонинд өгсөн ярилцлагадаа Б.Чинбатын тухай “Тэр бол ямар ч төрлийн хөгжмийг нэг л сонсоод найруулан тавих маш нарийн мэдрэмжтэй. Мөн зөвхөн өөрийн гэсэн зүйлийг нэмж чаддаг ийм авьяас дэлхийд цөөхөн хүнд заяадаг” хэмээн бахдан ярьсан байдаг. Энэ бол түүний “Давтагдашгүй” хэмээн нэрлэсний нэгээхэн тодотгол биз ээ.