Онцгой байдлын ерөнхий газрын дарга асан П.Даш гэж нэг хулчгар эр байна аа. Бүхэл бүтэн Улсын нөөцийн санг атгаж байсан хэрнээ 250 орчим сая төгрөг л хувьдаа завшсан байх юм. Түүнээс өөр эр зоригтой, эрч хүчтэй, ичих нүүргүй хүн байсан бол юу яасан 250 сая төгрөг хулгайлах. Багадаа л тэрбум төгрөг туучихаад зогсож байхгүй юу. Тэгэхэд П.Даш даргыг ийм бага мөнгө хулгайлсан болохоор шүүх энэ тэр ч сүйдтэй авч хэлэлцсэнгүй. Ба­раг л “Та яасан бага мөн­­гө завшдаг юм. Ихийг зав­шихгүй” гэсэн шиг ял, зэм гээд байх гавьтай юм оноосонгүй.  Эгээтэй л “Та­ныг шийтгэе гэсэн чинь та маш бага мөнгө завшсан юм байна. Хоёрын хоо­ронд ийм хэрэг үйлдсэн учир өршөөхөөс өөр яалтай билээ. Төрийнхөө буяныг түм, түмээр нь хүртэж, төг­рөг мөнгийг ахиухан зав­шиж яваарай” хэмээн уучилж, өршөөсөн юм байх. Ямар ч байсан “Дөрвөн жи­лийн хорих ял оноолоо” гэснээ “Өршөөлийн хуульд хамрууллаа. Та сул чөлөөтэй” гэх шүүгчийн шийд гарсан дуулдсан. Арга ч үгүй дээ. Тэрбум, тэрбумаар нь идсэн нөхөд эрх чөлөөтэйгөөр барахгүй  Төрийн ордонд залраад байхад юу гэж 250-хан сая төгрөг завшсан П.Даш даргыг шийтгэж болох билээ дээ. Очиж, очиж 250-хан сая төгрөг шүү. Эндээс үүдээд би гэдэг хүн нэг зүйлийг ихэд сайн ухамсарлаж авлаа. Аз байгаад боломж нь олдвол төрийн их сан хөмрөгөөс 250-хан сая төгрөг бус багадаа л тэрбумыг халаасалчих хэрэг­тэй юм байна. Ер нь зөвхөн өөрөө өөртөө ч энэ тухай ам тангараг тавих бус өрөөл бус­дад ч сануулж хэлмээр са­нагдана. Яагаад гэхээр  эргэн тойрны маань хүмүүс П.Даш дарга шиг багаар сэтгэж, ба­гаар авах тухай бодсоор бай­хад бусад нь ихээр аваад, ихийг идчихээд адилхан л сул чөлөөтэй явааг анзаарч мэдээ­гүй ч юм билүү. Иймд одоо­ноос “Олзыг олуулаа” гэ­дэг шиг “Хулгайг хуйгаар нь” гэдэг уриа дэв­шүүлээрэй, нө­хөд өө. Бүр тодруулбал “Хул­гайлахдаа хүр­вэл тэр­бумыг хул­гайлна аа” гэсэн ч яах вэ дээ.