“Бруклин Нэтс”. Энэ бол NBA-ын ертөнцөд “Нью-Жерси Нэтс” багийн цоллуулах шинэ нэр. “Медиа могул” Шон “Жей-Зи” Картер өөрийн эзэмшдэг багийнхаа цоо шинэ нэрийг бусад эзэмшигчдийн хамт даваа гаригт олон нийтэд танилцуулжээ. Энэхүү арга хэмжээ “The Barclays Center” нэртэй, ирээдүйд “Нэтс”-ийн үндсэн талбай болох шинэ бүтээн байгуулалтын талбайд болсон байна. “The Barclays Center” ордон 2012 оны есдүгээр сард ашиглалтад орох бөгөөд спорт, амралт чөлөөт цагийн томоохон цогцолбор болох юм.