Монголын шинэ цагийн дипломат албаны 100 жилийн ойд зориулан эмэгтэйчүүдийн “Дипломатч” клубээс энэ амралтын өдрүүдэд үзэсгэлэн зохион байгуулж байна. Монголын эмэгтэй дипломатчид, гадаад орнуудаас Монголд суугаа Элчин сайд нарын гэргий нар, эмэгтэй ажилтнууд гар урлалын бүтээлээсээ үзэсгэлэнд дэлгэн тавьжээ. Өдгөө 10 дахь жилдээ гаргаж буй энэ үзэсгэлэнгийн бүтээлүүдээс худалдан борлуулж орлого багатай өрхийн авьяаслаг хүүхдийг ивээн тэтгэж, хөгжлийн бэрхшээлтэй багачуудад тусламж дэмжлэг үзүүлдэг юм байна.

Энэ удаагийн үзэсгэлэнд ОХУ, БНХАУ, Казахстан тэргүүтэй орон орны Элчин сайдын яамдын эмэгтэйчүүд үндэсний гар урлалын бүтээлээ урлан оролцжээ.