“Sweetymotion” хамтлагийн бүсгүйчүүд арваад хоногийн өмнө АНУ-аас Монголд ирсэн юм. Амаржсан цагаасаа хойш анх удаа Монголд хөл тавьсан Б.Сарнай болон түүний хамтлагийнхны эх орондоо эргэн ирсэн гол зорилго нь Б.Чинбатын бие даасан тоглолт гэнэ. Хөгжмийн зохиолч, төгөлдөр хуурч Б.Чинбат ирэх аравдугаар сард бие даасан томоохон тоглолт хийхээр төлөвлөж байгаа төдийгүй хэдийнэ бэлтгэлдээ орсон сурагтай. Харин “Sweetymotion” хамтлагийн тухайд Монголд он гартал буюу ирэх хоёрдугаар сар хүртэл байхаар төлөвлөж байгаа гэнэ. Мөн тэд Б.Чинбатын тоглолтын дараа өөрсдийн шинэ уран бүтээлдээ орох юм байна.