Мөн интернэт кафенуудыг 18 наснаас дээш болон доош гэсэн ангилалд оруулахаар болжээ. Насанд хүрэгчдэд зориулсан интернэт кафе нь компьютер бүрт тасалгаа хийж, чихэвч заавал ашигладаг байх шаардлага тавих гэнэ. Түүнчлэн, төрийн байгууллагад интернетийн үйлчилгээ үзүүлэх журамд өөрчлөлт орж байгаа аж. Тухайлвал садар самууныг сурталчилах, дуу хөгжим, кино татах үйлчилгээг хааж байгаа гэнэ. Энэ журам долдугаар сарын 1-нээс мөрдөгдөх аж. Энэхүү журмыг зөрчсөн тохиолдолд тухайн аж ахуйн нэгжийн тусгай зөвшөөрлийг цуцлах хүртэл арга хэмжээ авах юм байна.
Өнөөдрийн байдлаар улсын хэмжээнд 2000 гаруй сайт ажиллаж байгаагийн 10 орчим нь садар самууныг сурталчилсан үйлчилгээ эрхэлдэг байж болзошгүй байгаа тул эхний ээлжинд сануулах, тэдэнд хандсан сургалт сурталчилгаа явуулахаар болжээ.
П.Наран