Олон улсын валютын сангийн  захиран зарцуулагч захирал асан Доминик Стросс-Кан энэ даваа гаригт Францын цагдаад байцаагдав. Сэтгүүлч эмэгтэй Тристтан Баноныг (Tristane Banon) хүчиндэх гэсэн хэргээр түүнээс мэдүүлэг авсан байна. Стросс-Каныг гэрч хэмээн байцаалт авсан гэнэ. Өмнө нь энэ хэргийн талаар хэд хэдэн хүн түүний тоонд Францын Социалист намын лидер Франсуа Олландаас (Francois Hollande) мэдүүлэг авсан байв.

Одоо уг хэргийн урьдчилсан мөрдөн байцаалтыг эхэлжээ. Сэтгүүлч эмэгтэйн гаргасан гомдлоос үзвэл, хүчиндэх гэсэн оролдлого 2003 оны хоёрдугаар сард гарсан байна. ОУВС-гийн экс тэргүүн “Энэ хэрэг нь сэтгүүлчийн ургуулан бодсоны үр дагавар” гээд Стросс-Кан тэр эмэгтэйг гүтгэлээ хэмээн эсрэг гомдол гаргаад байна.

Стросс-Кан долоо хоногийн өмнө Францад буцан ирсэн ба өмнө нь Нью-Йоркийн  Sofitel буудлын үйлчлэгч Нафиссата Диаллог (Nafissatou Diallo) хүчиндэх гэсэн хэргээр шалгуулж байв. Тэр эмэгтэй нь тогтмол худал хэлж байснаас тэр хэргийг хэрэгсэхгүй болгосон байна.