Йемений далайн
дээрэмчдээс барьцааны франц эмэгтэйг суллаж, хүн барьцаалагчдыг
баривчилсан  талаар Европын холбооны
батлан хамгаалах яамны албаны хүн мэдээлсэн байна. Далайн
дээрэмчдийг баривчлах Европын холбооны тусгай хүчин, Испанийн тэнгисийн
цэргийн хүчинтэй хамтран өнгөрсөн бямба гаригт Йемений
барьцаалагчдын хөлөг онгоцыг эзэлжээ.
Энэ явдлаас хоёр хоногийн өмнө тэд олзны хүмүүсийн завийг олсон аж.
Барьцааны эмэгтэйг суллаж,
долоон дээрэмчнийг баривчилсан авч бүсгүйн нөхөр дээрэмчдийн өөр хөлөг дээр олзны хүн хэвээр үлдсэн байна. Йемений далайн
дээрэмчдэд барьцаалагдсан Эвелин Коломбо түүний нөхөр тэнгисийн цэрэгт алба хааж
байсан Кристиан Коломбо нар завиар
дэлхийг тойрох аялалд гарсан бөгөөд адал явдалтай
учрахын тулд зориуд Адены
буланд аялж, аз сорьсон гэнэ. Сомали, Йемений далайн дээрэмчид Адены буланд
дээрэм тонуул хийх нь 2007 оноос хойш гаарсан. Иргэний дайны хөлд нэрвэгдсэн Африкийн ядуу
орны Засгийн газрууд далайн
дээрэм тонуулыг зогсоож хүчрэхгүй байгаа ажээ.

Н.Энх