Дархан -Уул аймгийн Гаалийн газрынхан аймгийн Нэгдсэн эмнэлгийн цусны банктай хамтарч донорын өдөрлөг зохион байгуулав. Гаалийн ерөнхий газраас “Ногоон Гааль” хөтөлбөр хэрэг­жүүлж эхэлснээр гаалийн байцаагчид болон алба хаагчдын эрүүл ахуйн орчин нөхцөлийг нь сайжруулах зорилготой юм. Өдөрлөгт тус хорооны 25 ажилтан оролцож өөрийн цусаа бэлэглэв.

Дэлхийн Эрүүл мэндийн байгууллагаас гаргасан тооцоогоор тухайн хот, суурин газрын хүн амын найман хувь нь цусны донор байх юм бол тухайн хот цусны хэрэгцээгээ өөрөө хангах боломжтой байдаг байна. Харин Дархан -Уул аймгийн хувьд хүн амын нэг хувь нь цусны донор байгаа нь хангалтгүй үзүүлэлт аж. Тиймээс гаальчдын санаачилсан энэ ажилд талархалтай байна гэж эмч мэргэжилтнүүд онцлов.