“Шанага” М.Ганболд. Улс төрийн хүрээнийхэн түүнд энэ мэт олон хоч өгсөн. Харин одоо түүнд “Олигархи генерал” гэдэг хоч хамгаас зохилтой. Учир нь мань эр улс төр, бизнесийн хүрээн дэх олигархиудаас ч дутахгүй хөрөнгө чинээтэй нэгэн. Зайсанд хаустай бол хаустай, хотын төвд хэд, хэдэн үл хөдлөх хөрөнгөтэй, бас хувийн хамгаалалтын албатай. М.Ганболд генерал бас их азтай то­варищ шүү. Учир нь түүнийг ЦЕГ-ын даргын албанаас 2008 оны эхээр чөлөөлж, Ч.Амарболдыг үүрэг гүйцэтгэгчээр томилсон би­лээ. Гэвч хэдхэн сарын дараа “Дол­дугаар сарын 1”-ний үймээн болж, хүчний байгууллагыг удирдаж яв­сан нөхдийн хувь заяа дээсэн дө­рөөн дээр дэнжигнэж эхэлсэн. Ха­рин М.Ганболд хувийн бизнес эр­хэлж, амар тайван амьдарч байна. Ерөөс тэрбээр бусдыг айлгаж явсан уу гэхээс биш, бусдаас айж явсан удаагүй. Үүний хамгийн тод жишээ гэвэл, “Хадгаламж” банк­наас 14 тэрбум гаруй төгрөг ал­дагд­сан явдал. Тухайн үед эл хэрэгт тус банкны ахлах нягтлан бодогч Ц.Чимэдцэрэнг сэжиглэж эхэл­мэгц М.Ганболд улс төр, биз­несийн хүрээн дэх холбоотнуудыг нь илрүүлэхийн төлөө шуурхай ажил­лаж байсан гэдэг. Н.Энхбаярын дур­гүйг хүргэсэн зарим улстөрчийг хашраах гэж тэр.  Гэвч сүүлийн үед нэн хачирхалтай мэдээлэл чих дэлсэх боллоо. “ЦЕГ-ын дарга асан, хошууч генерал М.Ганболдыг АТГ-ын дэд даргаар томилохоор болжээ” гэнэ үү. Н.Энхбаярын эрин үед хүчний байгууллагыг хаанчилж явсан энэ нөхөр АТГ-ын дарга биш, бүр дэд даргын албыг горилтлоо шалдаа буулаа гэж үү. Үгүй ээ, энэ чинь тухайн үед экс Ерөнхийлөгчөөс ЦЕГ-ын дарга, Үндэсний аюулгүй байдлын зөвлөлийн нарийн бичгийн даргаар ажиллах “урилга” хүлээн авч байсан олигархи генерал М.Ганболд шүү дээ. Мань эр өөрөө ч хэлсэн байна. “Хэн ч хаанаас ч над руу ярьж, АТГ-ын дэд даргын албыг санал болгоогүй” гэж. Гэтэл хэн хаанаас ийм “Гал” шидэх нь энэ вэ.