Дэлхийн эрүүл мэндийн байгууллага энэ жил “Уур амьс­­галын өөрчлөлт, агаарын чана­рын асуудал” чуулганаа Мек­сикийн Канкун хотод хий­жээ. Энэ чуулганаас Дэл­хийн хам­гийн бохир агаартай арван хотыг шалгаруулсан байна. Энэ шалгаруулалт бол үнэхээр том арга хэмжээ юм. Бодъё л доо. Дэлхийн улс орон, тэдгээрээс НҮБ-д бүртгэлтэй хотуудыг тоолбол том тоо гардаг. Энэ олон мянган хот дундаас арван хот л агаарын бохирдлоороо ман­лайлна гэхээр нэлээд том хэмжээний арга хэмжээ гээд хэлчихэд буруудахгүй байх. Агаарын бохирдлоор өмнөд хөршийн нийслэл Бээ­жин хот манлайлсан байна. Мөн БНХАУ-ын Чонг­кинг, Гүанжу, Хонгконг хотууд нь жагсаалтын долоо, найм, есдүгээр байруудад тус тус багтсан байна лээ. Ха­рин манай улсын хувьд уг жагсаалтын тавдугаар байрт шалгарсан байна. “Улаан­баа­тар хот дэлхийд агаарын бо­хирд­лоороо тавдугаар байрт орлоо” гэсэн мэдээлэл ма­найхныг уурлуулаад байх шиг байна лээ. Юундаа ч тэгэж уурлаад байдаг юм бэ дээ, монголчууд аа. Бид угаасаа агаарын бохирдолгүй хотууд дотор жагсаж чадахгүйгээс хойш байгаа байдалтайгаа эв­лэрэхээс яахав. Харин ч энэ байр сууриа хадгалж цаашид амжилтаа улам урагшлуулах хэрэгтэй. Манайханд аж­лын байр байгаад ч хийдэг­гүй. Төр засгаараа халамж­луулаад сурчихсан юм чинь хэзээ амьдрал дээшилж, гэр хорооллын утаатай гу­дамж­наас салгахыг хүлээж байя. Утаатайгаа байвал бидэнд ч ашигтай. Энд, тэндээс утаа сааруулах тө­сөл хөтөлбөр их орж ирнэ. Тэр болгон нь барилга орон сууцанд бус гэрийн дээвэр туурга болоод дуусна. Гэр хорооллын айлууд гэрийнхээ дээвэр туурга, зуух янданг бусдын мөнгөөр ава­хуулаад байна гэдэг чинь мөнгөнд хэмнэлттэй юм. Утаатай байх нь бидэнд том боломжийг бүр­дүүлж байгаа энэ нөхцөлд утааг бууруулах бус ихэсгэх ажил хийх хэрэгтэй. Ирэх жил нэгдүгээр байранд орж Бээжин хотыг ардаа орхихын төлөө зүтгэе.