Батлан хамгаалахын их сургуулийн хичээлийн шинэ жилийн нээлтийн ёслолын жагсаал өчигдөр боллоо. Нээлтийн ёслолд УИХ, Засгийн газрын гишүүн, Батлан хамгаалахын сайд Л.Болд, УИХ-ын гишүүн Г.Баярсайхан, ЗХЖШ-ын дарга, дэслэгч генерал Ц.Бямбажав, БХЯ-ны Төрийн нарийн бичгийн даргын үүрэг гүйцэтгэгч, хурандаа Ш.Сүхбаатар, хошууч генерал М.Борбаатар, бригадын генерал Ж.Бадамбазар, БХИС-ийн захирал, бригадын генерал З.Болдбаатар нар оролцов.

Батлан хамгаалахын сайд Л.Болд түүхт 90 жилийнхээ ойтой золгож буй улсын ууган сургууль БХИС-ийн оюутан сонсогчдыг “Монгол Улсаа батлан хамгаалах Зэвсэгт хүчний ирээдүйн их жанжид” гэдгийг онцлон хичээл сурлагадаа амжилт гаргахыг хүсэн ерөөлөө. БХИС-д энэ хичээлийн жилд 600 гаруй оюутан шинээр элсүүлж, ерөнхий боловсролын “Тэмүүжин Өрлөг” сургуульд 30 сурагчийг шалган оруулсан байна. Ангийн байлдааны туг залах хүндэтгэлийн ёслолыг оюутан сурагчид эцэг эхчүүд үзэж сонирхлоо.

Гэрэл зургийн цомгийг ЭНД дарж үзнэ үү.