Ираны Атомын эрчим хүчний газрын тэргүүн Ферейдон Аббаси даваа гаригт мэдэгдэл хийж, энэ намрын сүүлээр Иран улс “Bushehr” атомын цахилгаан станцыг ашиглалтанд оруулна гэлээ.
Аббасигийн мэдэгдэлд “ОХУ-д үйлдвэрлэсэн цөмийн цахилгаан станцын хөдөлгүүрийг турших анхан шатны туршилт амжилттай болсон ч цаашид бүх шатны туршилтыг явуулахад нэлээд хугацаа шаардлагатай” гэсэн байна. 
Иран улс дотооддоо дахин хэд хэдэн цөмийн цахилгаан станц барихаар төлөвлөж байгаа ба энэ тухай хэлэлцээрийг ОХУ-тай эхлүүлээд байна. Түүнчлэн Иранд атомын цахилгаан станц барих төсөлд бусад орнууд тэр дундаа Барууны орнуудаас оролцох боломж нээлттэй байгаа ажээ.