Дэлхий дээр алтны үнэ хурдацтай өсч байгаа нь Канад тэргүүтэй алтны нөөц ихтэй орнуудад ашигтай туссаар байгаа талаар www.marketwatch.com сайт мэдээлэв. Тус сайтын алтны ханшийн мэргэжилтэн, статистикийн дарга Мира Сэйфонг “АНУ-ын уул, уурхайн үнэт метал болон эрчим хүчний салбарт хүч үзэж байгаа “CME” группээс гаднаас алт худалдаж авахгүй байх шийдвэр гаргажээ. Энэ сард хоёр дахь удаа алтны үнэ урьд байгаагүй өссөнөөр талаар Азийн болон Америкийн үнэт металын зах зээл, хөл хөдөлгөөнд орсон гэж хэлж болно. Нэг унци алтны үнэ 2008 оноос хойш анх удаа 27 хувиар өссөн нь зарим банкуудын үнэт зүйлс хадгалуулах үйлчлүүлэгч нар өөрсдынх хадгаламжийн алтыг борлуулах гэж ачаалал үүсгэсэн талаар “Bank of America” мэдээлсэн билээ. Хэрэв алтны үнэ цаашид өсөх юм бол эдийн засгийн хямралд өртөөд байсан евро бүсийн зарим орны банкууд бодлогоо өөрчилж эхлэх төлөвтэй байгаа. Олон улсын томоохон алтны биржүүд болох Agnico-eagle mines, Eldorado Gold corp, Kinross Gold Corp нарын алтны үнэ 1757-аас 2000 ам.доллар болтлоо өссөн талаар тэд мэдээлсэн юм.  

Хэвлэлийнхэн алтны үнэ өссөнтэй холбогдуулж олон тайлбар хийж байгаа бөгөөд Европ болон АНУ-ын зээлийн асуудал, алтны үнэ өсөхөд нөлөөлсөн гэх таамаг ч дэвшүүлж байгаа аж. Харин энэ талаар “Bloomberg” агентлагийн санхүүгийн мэргэжилтэн Дэбарати Рой ийнхүү ярьжээ. Тэрбээр “Ер нь газрын баялгаас хамгийн их үнэ  нь хэлбэлздэг металь бол алт. Тиймдээ ч 2008 оноос хойш тогтсон үнээс 27 хувиар ийнхүү өссөн нь нэг талаараа сайн ч, муу зүйл мөн адил дагуулна гэж дүгнэж байна. Муу гэдэг нь алт олборлогч компаниудын бүтээгдэхүүнийг зарим улсын төв банк хүлээн авахдаа сөрөг санал тавьж хүмүүсийг айлгаж бас сүрдүүлж байна. Мөн хүмүүсийн дунд зарим компаниуд алтны үнэ өссөнтэй холбогдуулан зарж байсан хувьцаагаа алтаар борлуулах, солих гэх мэтийн “Эрсдэлтэй” алхам хийж байна. Магадгүй дараа сард алтны үнэ эргээд унах ч юм билүү хэн ч тааварлахгүй. Урьдчилсан байдлаар тооцоолж үзсэн ч хоёр сараас хэтрэхгүй байх. Харин үүнийг алтны бизнесмэнүүд л дэлгэрэнгүй тайлбарлах байх” гэжээ.

Хэдийгээр алтны үнэ бага багаар хэлбэлзэж, өссөн ч гэсэн эцсийн үр дүнд хоёр долоо хоногийн дараа нэг их дээшлээд байхгүй байх гэсэн таамаг АНУ-ын  Чикаго хотын холбогдох мэргэжилтнүүд анхааруулж бай­на. Тэд энэ сард нэг унци алтны үнэ өмнө байгаагүй хэмжээнд өссөн нь магадгүй зарим үнэт металийн үнэ өссөнтэй холбож тайлбарлаж байгаа аж.