Парис хотноо үргэлжилж буй жүдо бөхийн насанд хүрэгчдийн дэлхийн аварга шалгаруулах тэмцээний гурав дахь өдөр буюу өчигдөр эрэгтэйчүүдийн 81 кг, эмэгтэйчүүдийн 63 кг-ын жинд аваргууд тодорсон билээ. Эдгээр жинд О.Ууганбаатар, Г.Түвшинжаргал, Ц.Мөнхзаяа нарын Монголын гурван жүдоч барилдсан ч хэсгийн барилдаанд ялагдсанаар тэмцээнээ дуусгасан юм.

Өчигдөр болсон хоёр жинд медаль хүртсэн тамирчдыг танилцуулъя.

Эрэгтэй 81 кг:

Алт: Ким Жэ-Бум /БНСУ/
Мөнгө: Сржан Мрвалевич /Монтенегро/
Хүрэл: Леандро Гульеро /Бразили/
Хүрэл: Сергей Тома /Молдав/

Эмэгтэй 63 кг:

Алт: Жевриз Эмане /Франц/
Мөнгө: Ёшиэ Уэно /Япон/
Хүрэл: Аника ван Эмден /Нидерланд/
Хүрэл: Урска Золнир /Словень/

Харин өнөөдөр эрэгтэй 90 кг болон эмэгтэйчүүдийн 70, -78 кг-ын жингийн барилдаан болох бөгөөд эдгээр жинд Монголын тамирчдаас Б.Жанчивдорж, Э.Энхбат нар 90 кг-д, П.Лхамдэгд -78 кг-д өрсөлдөнө.

Хэсгийн барилдаан Монголын цагаар 15.00 цагаас эхэлнэ.