УИХ-ын гишүүн С.Эрдэнийн шахалтаар УИХ-ын гишүүн асан Б.Батбаатарыг хууль бусаар Чингэлтэй дүүргийн АН-ын даргаар томилсон гэж нэг үе шуугисан. Энэ асуудлаас болж 2010 оны дөрөвдүгээр сарын 19-ны өдөр АН-ын төв байранд Нийслэлийн Чингэлтэй дүүргийн АН-ын гишүүд суулт зарлаж Б.Батбаатар, Г.Бат-Эрдэнэ нар хоёр тийшээ болж байсан.

Харин НАН-ын дарга Ш.Түвдэндоржийн зүтгэлээр жил шахам даамжирч хоёр тийш харан нүүрээ дараад байсан Б.Батбаатар, Г.Бат-Эрдэнэ нар өөд өөдөөсөө эгцлэн харж тэврэлджээ. Энэ талаар АН-ын дарга Н.Алтанхуяг өнөөдөр сэтгүүлчдэд хандан хэвлэлийн хурал хийх үеэр дүүргийн АН-ын гишүүд баярласандаа энэ хоёр маань ингэж нэг юм тэврэлддэг юм байна. Гэхдээ хоёр эр хүн тэврэлдэхээр эвгүй харагддаг юм байна гэлцэв.