2011-2012 оны хичээлийн жилд нийтийн тээврийн хэрэгслээр зайлшгүй зорчих шаардлагатай 96 мянган оюутныг зорчуулахаар болсон. Гэхдээ энэ хичээлэийн жилээс эхлэн оюутнууд цахим картаар нийтийн тээвэрт үйлчлүүлэх боломжгүй, харин Монголын Оюутны виза картаар бүтэн жилийн эрхтэй, баталгаажсан наалт нааж зорчих ажээ. Монголын Оюутны карт шинээр захиалах болон хугацаа нь дууссан карт дахин захиалах ажлыг тухайн сургуулийн оюутны холбоо, зөвлөл нь өөрийн сургуульд ноогдсон хяналтын тоонд багтааж захиалга авна.

Монголын оюутны карт нь бүтэн жил нийтийн тээврээр үнэ төлбөргүй зорчих эрхтэйгээс гадна худалдаа, үйлчилгээний байгууллагуудаар хөнгөлөлттэй үйлчлүүлэх, мөн Голомт банкны харилцах дансаар төлбөр тооцоогоо хийх зэрэг олон давуу талтай юм.