“Sweetymotion” хамтлагийн продюсер, хөгжмийн зохиолч, төгөлдөр хуурч Б.Чинбат бие даасан тоглолтоо хийх гэнэ. Тэрбээр ирэн намар уран бүтээлийн тоглолтоо хийхээр төлөвлөөд байгаа аж. Тоглолтод түүний “Цагаан хар цагаан” , “Immortality” цомогт багтсан төгөлдөр хуурын уран бүтээлээс гадна “Чинбаа” цомогт орсон  дуунаас эгшиглэх юм.  Мөн сонгодог хөгжмийн болон үндэсний оркестр тоглолтод оролцох бөгөөд рок попын дуучид ая дуугаар мэндчилгээ дэвшүүлэх юм байна.

Мэдээж түүний тоглолтод “Swetymotion” хамтлагийн тоглолтод оролцсон АНУ-ийн чадварлаг хөгжимчид уригдан оролцох юм. Гэхдээ тэд энэ удаад Монголд байх хугацаандаа монголын хөгжимд дуртай залууст зөвлөгөө  өгч, хичээл заах гэнэ.