Нийслэлийн прокурорын газрын Ял эдлүүлэх ажиллагаанд хяналт тавих хэлтсийн прокурор У.Золжаргалын биед халдсан гэх мэдээлэл  өнгөрөгч долоо хоногт зарим хэвлэлд гарсан билээ. Түүнийг өнгөрсөн долоо хоногт согтуурсан үедээ бусдад зодуулж, биедээ хөнгөн гэмтэл авсан хэмээн мэдээллүүдэд бичиж байсан юм. 

Эх сурвалжийн мэдээлснээр У.Золжаргалын биед халдсан Б-д эрүүгийн хуулийн 181 дүгээр зүйл ангиар хэрэг үүсгэн, шалгаж  байгаа аж. Прокурор хэрэг гарах үед ээлжийн амралтаа авсан байжээ. Дээрх мэдээлэл гарсантай холбоотойгоор прокурор У.Золжаргалыг  ял эдлүүлэх ажиллагаанд хяналт тавих хэлтсийн дарга Ж.Мөнхбат өнөөдөр дуудаж уулзсан мэдээлэл байна.

Зарим албаны эх сурвалжийн хэлснээр хэвлэлд гарсан “У.Золжаргалыг хүнд гэмтсэн” гэх  мэдээлэл ташаа бололтой. Түүнийг хүнд бэртсэн гэдгийг албаныхан няцааж байна.