Сүүлийн өдрүүдэд ахуйн хүрээний архидалт ихэссэнээс өөрийгөө гэмтээх төдийгүй бусдын эрүүл мэндэд халдах тохиолдол багасахгүй байгааг цагдаагийн байгууллагаас сэрэмжлүүллээ.

Тухайлбал,  өчигдөр 12.00 цагийн орчимд Сонгинохайрхан дүүргийн хоёрдугаар хорооны нутаг дахь Таван хошуу уулан дээр  19 настай Б-г хамт архи уусан найз нь болох 20 настай Р гуян тус газар нь хутгалж гэмтээсэн байна.

Мөн Багануур дүүргийн тавдугаар хороонд бусдад зодуулсан хүн байна гэсэн мэдээллийг шалгахад, тус дүүргийн тавдугаар хорооны оршин суугч О-тай эрхэлсэн ажилгүй, хаяг тодорхойгүй Г маргалдан О-гийн толгойн тус газар нь зуухны ширмэн төмрөөр цохиж гэмтэл учруулсан байсан аж. Дээрх хэргүүдийг харьяа дүүргийн цагдаагийн хэлтэст үргэлжлүүлэн шалгаж эхэлжээ.