“Оюутолгойн хяналт” төрийн бус байгууллагын гишүүд Эрдэс баялаг, эрчим хүчний сайд Д.Зоригттой уулзжээ. Төрийн бус байгууллагуудын хяналтаар “Оюутолгой” компани ажилчдаа уурхайн гүнд тасралтгүй 12 цаг ажиллуулдаг, үдийн хоолонд  хачиртай талх өгдөг  зэрэг зөрчил байгаа нь тогтоогдсон аж. Харин  ТББ-ын зүгээс сайдад хандаж асуудалд зохих зохицуулалт хий, бид хяналт тавина гэсэн шаардлага тавьжээ. Гэтэл сайд “Та нар “Рио тинто” шиг ийм мундаг сайхан компанийг мууллаа, чаддаг юм бол тэр “Ажнай”-н Бат-Эрдэнэ, Монголын алтны магнат Мянганбаяр гэсэн  хүмүүсийг муулахгүй яасан юм бэ” хэмээн уурлажээ.